Затворени трезорските канцеларии во Југоисточниот регион – единствениот службеник заминал на одмор

Сметководителите од градинките, училиштата и други државни институции во Струмица, струмичките општини и Југоисточна Македонија беа принудени да одат во Штип за сите трезорски услуги во изминатите десетина дена, а откако единствениот трезорски службеник во овој град замина на одмор, од денеска ќе мора да одат во Кочани или во некој друг град кој има ваква канцеларија, објави порталот СДК.мк

Трезорската канцеларија во Штип извести дека поради вториот дел од годишниот одмор на единствениот вработен, таа нема да работи до 21 јуни и дека за какви било налози за плаќање треба да се оди во канцеларијата во Кочани, Кавадарци или Велес. Во некои градови каде што има трезорски канцеларии со повеќе вработени проблем било што имале само еден компјутер.

Како што пишува СДК, минатата недела, трезорската канцеларија во Штип била под опсада од стотина благајници и сметководители од повеќе општини во Источна и Југоисточна Македонија затоа што една од поголемите трезорски канцеларии за Југоисточна Македонија, со седиште во Струмица, остана без ниту еден вработен, а претходно биле тројца.

Извор/Фото: СДК.мк