Во Струмица тешко повреден велосипедист – возач на автомобил удрил во него и го напуштил местото

Од струмичката полиција информираат дека вчера околу 17:30 часот на булевар „Маршал Тито“ во Струмица, Г.Б.(64) од село Василево, струмичко, управувајќи патничко возило „Рено Меган“ со струмички регистарски ознаки, удрил во велосипед управуван од З.П.(40) од село Брајковци, валандовско, по што го напуштил местото. По преземени мерки, возачот и возилото биле пронајдени во 18:20 часот во Василево и по документирање на случајот ќе следува соодветна пријава.

Според болнички информации кај велосипедистот констатирани се тешки телесни повреди од ударот на автомобилот. Увид за оваа незгода на самото место извршила екипа на СВР Струмица.