Во Струмица приведен крадец кој пред три дена од казино во Босилово украл пари

Денеска во Струмица, полициски службеници го лишиле од слобода Н.В. од Струмица. Тој се сомничи дека на 19.09.2023 година со употреба на сила влегол во казино во Босилово, струмичко и одзел пари. По преземени мерки било дојдено до сознание дека тој е сторителот на делото, по што денеска бил извршен преглед кај него и на неговото работно место во Струмица. Притоа, во неговиот ормар била пронајдена торба со парите, кои ќе бидат вратени на сопственикот. Од него биле одземени и други предмети за кои постои сомнение дека потекнуваат од кривичното дело, информираат од СВР Струмица.

Лицето било задржано во Полициска станица и по целосно документирање на случајот против него ќе биде поднесена соодветна пријава.