Во среда одете на одбојка, навивајте спортски и донирајте за младиот спортист Виктор Боневски

Утре (среда) во рамките на 10-то коло од Државното првенство во женска одбојка за сениорки, во Струмица во спортаката сала на СОУ „Димитар Влахов“ ќе се одигра натпреварот помеѓу девојките на ОК „Наковски Волеј“ и ОК „Работнички“ Скопје.

Навивачите и сите љубители на спортот ќе имаат можност да уживаат во квалитетна одбојка, но и да ја покажат својата хуманост на дело преку донирање. На влезот на салата ќе бидат поставени кутии за собирање парични средства за младиот спортист Виктор Боневски.

„Да му помогнеме на Виктор да победи на „најважниот натпревар“ во болницата ЛИВ Турција. Дојдете и дадете свој придонес во битката за живот на нашиот другар и спортист Виктор Боневски“, стои во поканата за утрешниот натпревар.

Среда, 29 ноември | 20:00 часот | Сала СОУ „Димитар Влахов“ Струмица