Во сообраќајка меѓу три возила во центарот на Струмица повредени шест млади лица

Денеска во 03:40 часот на булеварот „Маршал Тито“ во Струмица се случила сообраќајна незгода во која учествувале патничко возило „Ауди“ со струмички регистарски ознаки, управувано од К.Р.(25) од Струмица, патничко возило „Опел астра“ со струмички регистарски ознаки, управувано од К.Ш.(29) од село Гечерлија, струмичко и патничко возило „БМВ“ со струмички регистарски ознаки, управувано од А.С.(26) од село Ангелци, струмичко.

Во незгодата со тешки телесни повреди се здобил Ј.С.(24), сопатник во патничкото возило „Ауди“, а со телесни повреди се здобиле возачите на патничките возила „Ауди“ и „Опел астра“, како и М.Ш и А.Д., сопатници од патничкото возило „Опел астра“ и В.М.Ѓ., сопатник од патничкото возило „Ауди“.

Повредите биле констатирани од страна на лекар во струмичката болница, а увид на местото извршила увидна екипа на Полициската станица Струмица.