Во сабота „Младински фест – #Сподели, Заштити се!“

Организацијата на жени од Струмица во сабота, 25 ноември од 17:00 часот во кафе бар „Нагоре“ во Струмица ќе го одржи завршниот настан „Младински фест – #Сподели, Заштити се!“.

Целта на настанот е подигнување на јавната свест кај младите и институциите за превенција и заштита од сајбер насилство и за последиците од злоупотреба на интеренет просторот, а воедно и да се поттикнат и охрабрат младите луѓе да се вклучат во напорите за спречување на овој вид насилство.

На Младинскиот фест ќе бидат презентирани резултатите од проектот #Сподели, Заштити се!“, преку изложба на изработените аматерски цртежи од страна на млади луѓе на тема насилство на онлајн просторот и последиците од истото врз севкупното здравје на младите, со посебен акцент на здравјето врз девојчињата и девојките. Ќе биде промовирано и видеото за процесот на креативните работилници и пораките на младите учесници, по што ќе следува музичка забава.