![almak](https://strumicanet.com/wp-content/uploads/2025/08/srnet-banner-аugust2025-optimized.jpg")
Во рамките на XXIV издание на Неделата на италијанскиот јазик во светот (SLIM), посветено оваа година на темата „Италијанскиот јазик и книгата: светот меѓу редови“, а која ќе се одржи од 14 до 25 октомври во неколку градови во Македонија, на 22 октомври (вторник), во Младинскиот центар во Струмица, Здружението „Quo Vadis Ad Astra“ во соработка со Општина Струмица ќе организира изложба со наслов „Италија во минијатура – иконични споменици и симболи“.
Станува збор за 3Д креации – создадени од ученици од основните училишта во Струмица кои го изучуваат италијанскиот јазик како втор странски јазик – инспирирани од некои од најславните споменици во Италија, како што се Колосеумот во Рим и Кулата во Пиза. Ќе следат интерактивни игри, активности за деца со боење на лице и музичка програма.
