Во Мокриево традиционално на Василица – „Странчинарски игри 2024“

Традицијата продолжува на Сурва во селото Мокриево, во Подгоријата, се одржаа повторно „Странчинарски игри“. Пред Домот на културата продефилираа десеттина групни маски со поголем број на учесници, а освен од Мокрино и струмичко, имаше и гости учесници од Прилеп, Берово, Бугарија.

Посетителите на оваа манифестација која прерасна како пагански карневал можеа да ги проследат маските и нивната игра, како и секоја година доминираа страшните маски кои треба да ги истераат лошите сили.

Според традицијата, малите дечиња пивнуваа по малку греана ракија од големите клопотарци на сурварите, обичај според кој се верува дека ќе престанат да пелтечат. Не беа исклучок и повозрасните.

Сурварите од вечерта, спроти Василица, со палењето на огновите, започнуваат со стариот обичај, а од утрово ги обиколуваат куќите и собираат милостина за сиромашните, пред се домашни колбаси, брашно, но и друг вид намирници.

На крај на денешната заедничката дружба поделија ручок со качамак и колбаси за сите посететители.