Во Босилово ќе има кино – во недела филмот на Столе Попов „Gipsy Magic“

Од Општина Босилово најавуваат дека секој викенд во месец ноември ќе има кино проекција на македонски филмови.

За овој викенд, односно во недела, 10 ноември во 18:00 часот во Домот на културата во Босилово ќе биде прикажан филмот „Циганска Магија“ или „Gipsy Magic“, во кој улогите ги играат: Мики Манојловиќ, Тони Михајловски, Катина Иванова, Арна Шијак и други.

Романтична приказна во циганско семејство прави последен, очајнички напор да го најде својот излез од балканскиот апсурд и несреќа. Нивната приказна ја отсликува универзалната приказна за отфрлените и неприлагодените, заборавените улични херои кои ги објавуваат вестите само во делот за некролози или криминал…