Вечерва со концерт на „Аморосо“ од Србија завршува „Strumica Classic International Festival 2024“

Последниот концерт во рамките на „Strumica Classic International Festival 2024“ ќе се одржи вечерва со почеток во 20:00 часот во фоајето на Центарот за култура „Антон Панов“ во Струмица.

Концерт ќе одржи камерниот оркестар „Аморосо“ од Србија, а како солист ќе настапи Билјана Милјковиќ на флејта. Ова е петтиот и завршен концерт на годинашното издание на фестивалот на кое настапуваат врвни уметници од Македонија, Хрватска, Бугарија и Србија.

Третиот фестивал на камерна музика „Strumica Classic International Festival“ годинава се одржуваше од 1 до 9 јуни на повеќе локации низ Струмица.

Недела, 9 јуни | 20:00 часот | НУЦК „Антон Панов“ Струмица