Ангела Котуровиќ ја откри причината зошто испадна од „Ѕвездите на Гранд“

Иако беше фаворит, струмичанката Ангела Котуровиќ испадна од понтамошното натпреварување на балканското ТВ шоу „Ѕвездите на Гранд“. Ангела во последниот нејзин круг на натпреварување ги пееше песните „Круна“ и „Радио свира за нас“. Зошто испадна Ангела иако пееше одлично, а и самото жири не даде некои лоши критики за нејзината интерпретација на двете песни, се прашуваа нејзините фанови на социјалните мрежи и пишуваа негативни коментари за жирито кое не и дозволија да продолжи понатаму.

„Ти, драга моја, ти не си лоша, само треба малку да си го скротиш гласот. И на двете ви посакувам среќа во бараж“, и кажа Цеца Ражнатовиќ по настапот.

„Ангела, ти беше добра, имам само една замерка. Не знам дали е од страв, ама ти некаде ми беше малку ниска. Имаш добра песна и се бориш во баражот“, и кажа Марија Шерифовиќ.

По десетина дена од напуштањето на „Ѕвездите на Гранд“, Ангела ја открива причината.

„И кажав на мојата менторка Марија Шерифовиќ дека сум бремена, а таа ми кажа дека ќе треба да се откажам од „Ѕвездите на Гранд“, дека нема да можам бремена да продолжам понатаму“.

Таа на социјалните мрежи се заблагодари на своите фанови за огромната поддршка што и ја дават во изминатиот период.

„Ѕвездите на Гранд” нема да ме запрат во исполнувањето на моите соништа, а тоа ќе го направам на уште поубав начин со поголемо семејство и најголеми поддржувачи мојот маж, мојот Ноах и моето мало ангелче кое е на пат… Уште еднаш фала на сите и се надевам ќе останете со мене и кога ќе ми требате најмногу како мои фанови и слушатели на мојата музика“ – напиша Ангела покрај фотографиите на кои позираат таа, нејзиниот сопруг и малиот Ноах.