Ана Цунева од струмичкото музичко училиште го доби признанието за најдобар наставник во предметна настава

Наставничката по музичко образование, Ана Цунева од ООМУ „Боро Џони“ во Струмица го доби признанието за најдобар наставник во предметна настава во претходната учебна година на свеченоста што ја организираше Сојузот на просветни работници, а по повод 5-ти октомври – Светскиот ден на учителот.

Оваа признание Цунева го доби за постигнати врвни резултати во остварувањето на целите и задачите во воспитно-образовната работа, а и го додели министерката за образование и наука, Весна Јаневска на свеченоста што се одржа во Скопје.

Честитајќи им на наградените, Јаневска рече дека учителите, наставниците, професорите се оние на кои им ги доверуваме нашите најмили за да ги научат да бидат добри, чесни и вредни, да им ги отворат вратите на знаењата и науката и да ги подготват за времето што доаѓа.