![almak](https://strumicanet.com/wp-content/uploads/2024/11/srnet-banner-noe-2-optimized.png")
Струмичката рап сцена во последниот месец од 2023 година е збогатена со најновата песна на Даниел Стојков – Дако насловена „Pull Up“, објавена денеска. За целоста на „Pull Up“ се погрижи и струмичанецот Борис Наков – Лакас, кој долги години соработува со Дако, а кој е одговорен за видеографијата, миксот, мастерот, како и насловната фотографија на новата песна.
„Pull Up“ е трета песна на Дако оваа година, откако во јануари и февруари ги објави „Mami 2“ и „Luta“. За разлика од овие две, „Pull Up“ има и видео спот, снимен на повеќе локации во Струмица.
На 7 октомври годинава во Струмица се одбележа Денот на хип-хоп културата, кој беше посветен на јубилејната 50-годишнина на оваа култура. На настанот, во сегментот „отворен микрофон“ свој настап имаше и Дако.
Слушнете ја најновата песна на Дако „Pull Up“, достапна на неговиот Јутјуб канал.
