Петок, 31 март | 20:00 часот | Центар за култура „Антон Панов“ Струмица
Цена на билет: 250 денари
Билетарницата работи од понеделник до петок од 08:00 до 22:00 часот
Резервации на телефоните: 034 343 122 и 071 205 264
Режисерот/Авторот – Стојан Велков-Трн
Публика 1/Директорот/Кловнот Бим/Зајачето Куни – Коста Ангов
Мајката, гатачка – Ангелина Тренчова-Ангелова
Ќерката, трапез артистка – Танкица Стојанова
Гимнастичарот, дечкото на мајката – Ефтим Трајчов Ѓаурски
Брадестата жена – Ванчо Василев
Публика 2/Жонглерот – Игор Тодоров
Театар во театар како форма во последниот голем текст на Пирандело. Приказна за линиите кои нѐ одделуваат од лудоста и генијалноста. Претстава за актерите, кои секојдневно ги предизвикуваат сопствените демони. Претстава во претстава, симбиоза на интересни дијалози со здрава доза на директен пиранделовски хумор и тмурна, речиси безизлезна атмосфера.
„Циркус Пирандело“ за мене претставува можност за демистификација на европските вредности и Балканот како слепо црево на Европа. Фелиниевска гротеска со многу енергија и многу искрена и силна мисла насочена против стегите на секојдневието и против третманот на малиот човек како заморче во светското отуѓување од вистинските морални вредности.
Ние сме секогаш актери во нечиј театар, а кога бегаме од формите, конвенциите и стегите врз нашата слободна мисла, кога импровизираме, ние сме можеби најмногу свои. Претстава за правдата, за принципите и истрајноста на артистот во нивната одбрана.
Искрени претстави се прават по раскопан, од вода и сонце уништен, бомбардиран, пат.
Автопатите се за позери.
Бојан Трифуновски, режисер
