Унија на жени на ВМРО-ДПМНЕ во Струмица организира пункт за средба со лекари и медицински персонал во пресрет на Светскиот ден на здравјето

Утре, сабота, 5 април со почеток во 11:00 часот, Унија на жени при ОК на ВМРО-ДПМНЕ од Струмица организира настан за одбележување на претстојниот Светски ден на здравјето – 7 април.

По тој повод на местото пред стариот „Отекс“, спорти ТЦ „Глобал“ во Струмица ќе биде поставен пункт за средба со лекари и медицински персонал. На граѓани кои имат потреба ќе им биде утврдена состојбата на крвниот притисок и измерено нивото на шеќер во крвта.

Настанот е со цел подигнување на свеста за важноста на чувањето и одржувањето на личното и колективно здравје и потенцирање на улогата на здравствениот персонал во современото општество.