Во сабота премиера на претставата „Новогодишна магија“

Актерката Танкица Стојанова ја најавува премиерaта на претставата „Новогодишна магија“, во нејзина режија, во продукција на Здружението „Алфа Касиопеа“ од Струмица, а во соработка со студиото за балет „Reverence“ Струмица.

Терминот на премиерната изведба е закажан на 21 декември (сабота) во 18:00 часот на големата сцена во Центарот за култура „Антон Панов“ во Струмица.

Билетите по цена од 150 денари се пуштени во продажба на билетарата во НУЦК „Антон Панов“, секој работен ден од 08:00 до 15:00 часот. Може да се направи и резервација на телефонскиот број 078 205 045.

„Заедно со целиот тим, во духот на празниците, одлучивме собраните средства од претставата да ги намениме за наша сограѓанка која што има потреба од финансиска помош за лекување. Празниците и празничната атмосфера нека бидат поттик за сплотување, грижа, солидарност и хуманост. Само вака, со пример можеме да ги научиме децата да бидат пред сѐ луѓе – хумани и со подадена рака кога е најпотребно“ – вели актерката Танкица Стојанова.

Дојдете заедно да го пречекаме Дедо Мраз, да се забавуваме и танцуваме!

Сабота, 21 декември | 18:00 часот | Центар за култура – Струмица.