![almak](https://strumicanet.com/wp-content/uploads/2024/11/srnet-banner-noe-2-optimized.png")
Денеска Општина Босилово одбележува 71 година од формирањето на општината. Советот ја одржа свечената седница на која за развојот и иднината на општина Босилово говореше градоначалникот Ристо Манчев.
„10 април е датумот кога го славиме Денот на општина Босилово. Наша заедничка обврска е да го вложиме целиот свој потенцијал, знаење и енергија да ја направиме општина Босилово современа и модерна општина“ – кажа во своето обраќање градоначалникот Манчев.
На свечената седница беа доделени плакети на Наташа Стоилкова, Марјан Стоев, Орце Тодоров и Коста Тимов за посебен придонес и промовирање на општината Босилово, како и Благодарници на компаниите АД „Оранжерии“ и „Тома“ од Радово.
Покрај членовите на Советот, гости и пријатели на седницата присуствуваа и поранешните градоначалници на оваа општина, Ристо Стаменов, Ѓорги Манушев, Љупчо Колев и Зоран Зимбаков.
Општината Босилово има своја историја како стара општина што постоела во периодот од 1952, па сè до 1963 година, кога биле укинати руралните општини. Бидејќи нејзиното прво формирање било на 10 април 1952 година, денеска овој ден се слави како празник – Ден на Општина Босилово.
