39-годишен струмичанец украл пари од продажен објект, полицијата го пронајде дома и го привела во Полициска станица

Струмичката полиција синоќа во 23:50 часот во Струмица го привела Ѓ.А.(39), кој се сомничи дека околу 19:00 часот извршил тешка кражба во продажен објект во Струмица, од каде одзел пари.

Како што информираат денеска од СВР Струмица, по наредба на струмичкиот Основен суд бил извршен претрес во неговиот дом во Струмица, при што биле пронајдени паричните средства, кои ќе бидат вратени на сопствениците.

Ѓ.А. е задржан во Полициската станица Струмица и по целосно документирање на случајот против него ќе биде поднесена соодветна пријава.