![almak](https://strumicanet.com/wp-content/uploads/2024/12/srnet-banner-dec-2-optimized.jpg")
На денешен ден, 26 февруари 2004 година, претседателот на Република Македонија, Борис Трајковски, шестчлена делегација и двајца пилоти загинаа при урнувањето на авионот од типот „Кингер“ на 15 километри јужно од Мостар, во Босна и Херцеговина.
По тој повод, денеска во 10:00 часот пред споменикот „Македонија“ во големиот градски парк во Струмица ќе се одбележи 21 година од трагичната смрт на претседателот Борис Трајковски.
Борис Трајковски е роден во Струмица на 25 јуни 1956 година. Беше втор претседател на Република Македонија во периодот од 15 декември 1999 година до 26 февруари 2004 година.
Трајковски дипломирал на Правниот факултет во Скопје во 1980 година, специјализира деловно право и право на работни односи.
Од 21 декември 1998 година ја извршуваше функцијата заменик-министер за надворешни работи на Република Македонија во Владата предводена од Љубчо Георгиевски. Трајковски исто така беше претседател на Комисијата за надворешно-политички односи на ВМРО-ДПМНЕ, главен политички советник за надворешна политика на претседателот на партијата, член на Претседателството на невладината организација Паневропско движење за Република Македонија и на меѓународната конференција „Решавање на конфликти“ со седиште во Атланта, САД. Бил претседател на младината на Обединетата методистичка црква во поранешна Југославија повеќе од 12 години.
