12-годишниот струмичанец Матеја Масев потпиша договор со младинската школа на ФК „Црвена Звезда“

12-годишниот струмичанец Матеја Масев, син на некогашниот репрезентивец Дени Масев и сегашен директор на репрезентацијата на Македонија, потпиша договор со младинската школа на поранешниот европски шампион ФК „Црвена Звезда“ од Белград, објави порталот „Деца.мк“
Матеја е производ на младинската школа на струмичкиот клуб „Академија Пандев,“ основан од нашиот најдобар фудбалер на сите времиња – Горан Пандев. Во „Академија Пандев“ тој тренирал шест години и бил дел од шампионската генерација играчи родени во 2010 година, под менторство на тренерот Васко Тодоров. Матеја цело време е во топ-3 талентите во својата возрасна категорија, а тоа не остана незабележано од страна на скаутите од Звезда, кои искористија можност да го „грабнат“ во своите редови, пишува „Деца.мк“