Четириесеттина карневалски групи на „Струмичкиот карневал“, од странските групи најмногу ги има од Србија

Четириесеттина карневалски групи ќе продефилираат на годинашното издание на „Струмичкиот карневал“, кое ќе се одржи на 25 февруари.

Освен традиционалните групи од Струмица и од уште неколку градови од Македонија на главната интернационална вечер ќе се претстават и 14 карневалски групи од странство. Најмногу ги има од Србија, од градовите Лесковац, Врњачка Бања, Шабац, Раковица и Бела Црква. Од Црна Гора доаѓаат три карневалски групи, од Тиват, Херцег Нови и Будва, а од Хрватска пред струмичани ќе се претстават две карневалски групи од Ријека. По една карневалска група ќе има од Грција, Босна и Херцеговина и Бугарија.

Организациониот одбор направи ждрепка на редоследот на претставување на карневалските групи и поединци на 25 февруари од 18:30 часот.