![almak](https://strumicanet.com/wp-content/uploads/2025/08/srnet-banner-аugust2025-optimized.jpg")
Четиригодишното девојче од Струмица, кое во средата во тешка здравствена состојба, премрзнато со гангренозни рани на дланките и стапалата и со бројни рани и скршеници по телото беше донесено во Клиниката за детски болести во Скопје е под интензивна терапија, информираше за ТВ Канал 5, директорката на клиниката Валентина Цвејоска Чолаковска.
Мајката тврдела дека скршениците настанале по напад од куче кој се случил две седмици пред приемот во болницата. Девојчето во Клиниката е донесено на 17-ти јануари, но иако во моментот е во стабилна состојба, д-р. Чолакова вели дека за него се грижат повеќе специјалисти од клиниката и дека сѐ уште е потребно интензивно лекување и следење на состојбата.
„Девојчето беше во исклучително тешка состојба, неухрането, хигиенски запоставено, со гангренозни промени на прстите на дланките и стапалата од премрзнатини, се забележуваа и бројни рани по телото. Има фрактури коишто се видоа на компјутерот направени на девојчето и коишто се стари најмалку две седмици, а за кои мајката потврдува дека се направени во тек на напад од куче. Под интензивна терапија е, бидејќи е донесено во исклучително тешка состојба, со значајна потхранетост и бара големо вложување во секој поглед“, изјави доц. д-р Валентина Цвејоска Чолаковска.
Поради состојбата на девојчето, веднаш по приемот во клиниката биле известени надлежните од МВР, социјалните служби и Јавниот обвинител од Струмица, кој повикал судски вештак. Од СВР Струмица информираат дека детето на 17 јануари околу 1 часот по полноќ било донесено во Општата болница во Струмица, а потоа поради лошата здравствена состојба било префрлено во Комплекс клиниките „Мајка Тереза“ во Скопје.
„За настанот бил информиран инспектор по малолетничка деликвенција од Одделението за криминалистички работи при ЕВР Центар и Бит Пазар и по целосно расчистување и документирање на случајот ќе следува соодветен поднесок. Истрагата е во тек се преземаат мерки за комплетно расчистување на случајот ќе биде координирано ќе работат и СВР Скопје и СВР Струмица“, изјави портпаролката на СВР Струмица, Александра Трајанова.
