Почитувани,
Вообичаено на преминот од старата кон нова календарска година секој кој цени активизам и емпатија се заблагодарува на сите соработници и на сите добронамерници. За работа и придонес кон општо добро кој од ден на ден станува се по редок, но и скапоцен чин.
Да не го премолчиме она што и во моментов, на влезот на Новата 2024 година ги измачува струмичани. Се надевам дека загадениот воздух и вечерва, веројатно и утре, нема да ги надминува светските рекорди. Не знам дали со огномет се одбележува оваа Новогодишна ноќ, но би било добро секој да може да ги забележи неговите реални бои. Возможно е програма на отворено да ја изненади Струмица за Новогодишната вечер, но на такви параметри на аерозагаденост би била непрепорачлива за следење.
Сум разговарал со многу стручни лица. Сме анализирале можни причини и можни решенија. Но реалноста е дека институционалната акција засега не е реална и изостанува. Сме размислувале за протести, што значи собирање на граѓаните и изложеност на висока загаденост. Слушаме постојат видеа, слики и многу идеи, работни тела, финансии и слично…
На крајот од денот и, на годината, ни останува мислата дека решението е јасно: дека Новата година која ни претстои Е ВАЖНА!
И, посакувам Новата 2024 година да ни донесе решение за овој проблем заедно со многу, многу нови решенија!
Со секого со кој искрено разменуваме добри желби за Новата 2024 година секогаш имаме во предвид основни работи на кои не научи примерот на секојдневниот живот:
Најпрвин Реалноста што не соочува секој ден со сите предизвици и свеста дека треба заедно да направиме се што можеме за да ја унапредиме. Граѓани кои ги среќавам тука и, оние наши кои живеат насекаде низ светот знаат и велат дека Разумната реалност на Новата 2024 година е нашата сигурна иднина. Ние самите донесуваме одлуки и самите сме свесни кои процеси имаат предност и што ни е важно.
Важно е да разбереме дека Новата 2024 година со многу заеднички труд, храброст и трпеливост за сите нас значи сериозни промени кон подобро.
Честитката за Новата 2024 година сепак ја има и нејзината магична реалност. Она всадено чуство дека постои сила што ги води, заштитува и унапредува оние кои ќе се одважат. Силната вера дека доброто го очекува секого кој мисли и работи потпрен на својата сила и знаење, оној кој работи чесно и особено оној кој дејствува несебично.
Водени од таквата убеденост во подобрата иднина на Струмица, Македонија и насекаде во светот дозволете ми од името на Општинскиот Комитет на ВМРО ДПМНЕ Струмица да Ви посакам ногу здравје и среќа и многу успех во Новата 2024 година!
Да бидеме живи и здрави!
ЧЕСТИТА НОВА 2024 ГОДИНА!
Жан Дрвошанов претседател на ОК ВМРО-ДПМНЕ Струмица
