Центарот за култура „Антон Панов“ отвори своја веб страница – сите случувања можете да ги следите преку оваа платформа

Од денеска и официјално активна е првата веб страница на Националната установа Центар за култура „Антон Панов“ Струмица преку која сите интернет корисници ќе можат во секое време да се информираат за настаните и случувањата во оваа институција.

На неа директно можете да пристапите преку www.nuckantonpanov.mk

Освен информации за сектори кои работат во рамите на установата, нивната дејност и историографија секојдневно ќе можете да се информирате и за настаните кои следуваат, театарски претстави, изложби, промоции, концерти и други културни настани, но и вести за одржани настани збогатени со фотографии и видео записи.

Специјално за оваа веб страница изработено е и ново лого со кое ќе се препознава установата, кое освен на веб страницата ќе се користи и на сите најави на настани кои ги организира Центарот за култура „Антон Панов“ Струмица.