Хотелот „Парк Бачиново“ на семејството Пишеви – „Најпрефериран фамилијарен хотел за 2022“

Хотелот „Парк Бачиново“ во Бугарија со кој управува струмичанецот Наско Пишев е прогласен за „Најпрефериран фамилијарен хотел за 2022“ на годишните награди „Balkan Awards of Tourism Industry 2022“, што се одржа во хотелот „Премиер“ во Софија, Бугарија.

Осмото издание на годишните награди „Balkan Awards of Tourism Industry 2022“ ги одликува најдобрите примери во туризмот на Балканот. 32 златни статуетки беа доделени на годинашната манифестација од каде уште еднаш го истакнаа пријателството и добрососедските односи на Балканот, а во различни категории беа наградени општини, туристички дестинации и агенции, хотели, атракции и успешни практики во туризмот од Бугарија, Грција, Македонија, Турција и Косово.

Инаку на ова доделување на наградите „Balkan Awards of Tourism Industry 2022“, претседателот на Туристичко-угостителската комора при Сојузот на стопански комори на Македонија, Аркан Керим е добитник на Специјална награда за посебен придонес и достигнувања во работењето на полето на туризмот на Балканот.