Уште една фирма ќе биде казнета со 9.000 евра, бидејќи го прекршила Законот за управување со отпад

Уште една фирма од Струмица ќе добие казна од 9.000 евра, бидејќи го прекршила Законот за управување со отпад, а управителот на фирмата ќе биде казнет со 500 евра, сто во вчерашната објава на Фејсбук страницата на градоначалникот на Струмица, Костадин Костадинов. Според објавеното, вчера биле извршени три вонредни инспекциски надзори, во фабрика за мебел, фабрика за алуминимуски конструкции и кај едно физичко лице.

„Кај еден правен субјекти ќе биде поведена прекршочна постапка согласно член 37 став (4) од Законот за управување со отпадот со издавање на прекршочен платен налог со казна во висина од 9.000 евра за правниот субјект и 500 евра за управителот на правниот субјект на надзор. Кај еден правен субјекти ќе се донесе Решение за изработка на Елаборат за животна средина. За едно физичко лице ќе биде поведена прекршочна постапка согласно член 37 став (4) од Законот за управување со отпадот со издавање на прекршочен платен налог со казна во висина од 250 евра“ – стои во објавата на Фејсбук страницата на градоначалникот.

• Во Струмица – инспекторите за животна средина денеска на терен, ќе се казнат две фирми по 9.000 евра