Учесниците на Буџетскиот форум ги избраа трите приоритетни проекти за реализација следната 2023 година во општина Струмица

Набавка на еко електрични автобуси и поставување на модерни смарт постојки, поставување на фотоволтаици на сите основни и средни училишта и соларен катастар, ова се трите приоритетни проектни иницијативи за буџетската 2023 години. Тие добија најмногу бодови од вкупно предложените 9 проектни иницијативи од страна на граѓаните од урбаните и месните заедници, претставниците на невладиниот и бизнис секторот на годинашниот Буџетски форум во општина Струмица 2022/2023 година, кој синоќа заврши со одржувањето на втората сесија во големата сала на Домот на АРМ.

Проектната иницијатива за набавка на еко електрични автобуси и поставување на модерни смарт постројки од учесниците на форумот доби 85 поени, поставување на фотоволтаици на сите основни и средни училишта 80 и 62 поени иницијативата за соларен катастар.