Учениците од IQ UP! од Струмица блескаа на Интернационалната СТЕМ Олимпијада – продолжуваат во финале

Секоја голема приказна започнува со сон. Во IQ UP! Струмица учениците сонуваат ист сон. Преку квалитетна едукација, знаење, талент, страст и посветеност да му се овозможи на секој нивен ученик да го достигне врвот на успехот. Дел од тој сон беа IQ UP! учениците да ги покажат своите таленти и страст кон науката, технологијата, инженерството и математиката на светско ниво.

На 4 февруари 2024 година, дел од IQ UP! учениците од Струмица, учествуваа на Интернационалната СТЕМ Олимпијада, организирана од Германија. 17 нивни ученици постигнаа големи резултати и се пласираа во големото ФИНАЛЕ кое ќе се одржи на 18 февруари 2024 година.

„Подготовките не беа лесни, секој ден беше исполнет со учење, експериментирање и решавање на комплексни проблеми. Но, со здружени сили и неверојатна поддршка од нивните ментори во IQ UP! училишните центри, тие беа подготвени да им одговорат на предизвиците што ги носи меѓународната СТЕМ Олимпијада. Овој успех за нас значи доказ и признание за нашата бескрајна верба во потенцијалот и можностите на секое дете. Ние силно веруваме дека секое дете може да постигне толку многу, а на секое дете му треба толку малку: љубов и некој што силно верува во него и го поддржува“ – вели Валентина Динова, еден од основачите на IQ UP! франшизата, која потенцира колку е важно да се обезбеди поддршка, квалитетна едукација и верба во младите умови за да се искористи нивниот максимален потенцијал.

За овој успех особена придонес дадоа сертифицираните IQ UP! учителки од IQ UP! училишниот центар во Струмица: Катерина Чукарска и Ванеса Стојкова. Со својата неизмерна посветеност и љубов кон образованието, ги подготвија учениците за Интернационалната СТЕМ Олимпијада.

„Не е најважно само знаењето кое го пренесуваат, туку и страста, ентузијазмот и вербата во потенцијалот на секое дете, што прави огромна разлика. Со својата упорност и талент, тие не само што ги научија нашите ученици како да решаваат сложени проблеми, туку и како да бидат креативни, иновативни и, најважно од сè, како да веруваат во себе“ – додава Динова.

За IQ UP!

IQ UP! не е само училиште, тоа е место каде што детските соништа и потенцијали се претвораат во реалност. IQ UP! е едукативна франшиза за деца која нуди уникатен и иновативен образовен модел.

IQ UP! пристапува кон образованието со цел да обезбеди длабоко разбирање на концептите од областа на природните науки, технологијата, инженерството и математиката со способност тие да бидат применети во практика. Преку интерактивно учење, мозочни вежби, експерименти, истражувања, анализи, едукативни игри и реални проекти децата ги разбираат основните концепти и учат како да ги применуваат во реалниот свет. Овој метод на едукација овозможува развој на критичко мислење и проблемско решавање, истовремено развивајќи ги и нивните креативни способности.

За да се запознаете одблиску со магијата на IQ UP! едукацијата регистрирајте го вашето дете ОВДЕ за бесплатен пробен час или контактирајте тел: IQ UP! Струмица – 078 340 709