Утре нестабилно време со обилни врнежи, од недела опаѓање на температурите

Утре (петок, 13 септември) времето ќе биде променливо облачно и нестабилно со локален пороен дожд и грмежи. Наместа во западните и источните делови ќе има појава на невреме со интензивен пороен дожд (над 20 л/м²), грмежи и силен ветер (над 70 км/ч). Во деновите потоа ќе се задржи променливо облачно време со повремен локален дожд.

Во сабота ќе дува засилен ветер од западен-југозападен правец, а од недела температурите ќе бидат во позначително опаѓање.

Препорака: Во случај на појава на електрични празнења се препорачува поголема внимателност, да не се престојува на отворен простор и под осамени дрвја.