Утре во Струмица – Саем за вработување и вмрежување помеѓу млади и компании

Утре (понеделник, 14 Ноември) од 11:00 до 15:00 часот во Градската уметничка галерија на плоштадот во Струмица ќе се одржи „Саем за вработување“ на кои 30 компании ќе понудат работни места, а граѓаните кои барат работа ќе можат да го достават своето CV и да прашат на лице место кои работни позиции и можности се нудат.
На овој Саем освен да се вмрежите со компаниите ќе имате можност да слушнете две панел дискусии со успешните кариерни приказни на бизнисмени и претприемачи од Струмица и регионот. Митко Андонов – сопственик на „EON Eden“, Тони Костов – сопственик на „RiverSoft“, Јордан Костов – регионален менаџер на продажба „КАМ Маркети“, Валентина Динова – мастер франшизер & CEO „Helen Doron Macedonia“ и „IQ UP!“, Коста Караманолев – сопственик на „Вторник Craft Bar“ и Глигор Ризов – сопственик на на „SMX“ & „Roccad“.
Саемот го организира Центарот за истражување и анализи НОВУС во партнерство со Општина Струмица, а се спроведува во рамките на проектот „Иницијатива за социо-економско зајакнување на младите од Струмичкиот регион”, кој го спроведува Центар за истражување и анализи НОВУС, поддржан од мрежата и програмата EmploYouth – YouthHub Western Balkans and Turkey, имплементиран од „Ана и Владе Дивац Фондација“, во партнерство со Youth Alliance Крушево со финансиска поддршка од Европската Унија.