Три лица се повредени во сообраќајка на патот Берово – Струмица

Вчера околу 16 часот часот на регионалниот пат Берово – Струмица, атар на село Русиново, беровско, се случила сообраќајна незгода помеѓу патничко возило „Фолксваген пасат“ со пехчевски регистарски ознаки управувано од В.М.(57) село Робово, општина Босилово и патничко возило „Фолксваген голф“ со беровски регистарски ознаки управувано од Ј.М.(63) од село Ратево, беровско.

Во незгодата со тешки телесни повреди се здобиле возачот В.М. и неговата сопатничка М.М.(24) од село Робово, а возачот Ј.М. се здобил со телесни повреди констатирани во Клиничка болница Штип, соопштија од полицијата. Извршен бил увид од увидна екипа од ОВР Берово.