![almak](https://strumicanet.com/wp-content/uploads/2025/04/srnet-banner-sofa-bed-garnituri-2025-optimized.jpg")
Денеска во хотелот „Сириус“ во Струмица, Организациониот одбор на Струмичкиот карневал, заедно со градоначалникот на општина Струмица, Костадин Костадинов приредија прием за генералните спонзори на Струмичкиот карневал 2024, на која градоначалникот Костадинов и претседателот на Организациониот одбор, Александар Цицимов, во знак на благодарност им доделија плакета со логото на „Струмичкиот карневал“ и компанијата спонзор.
Станува збор за компании кои во континуитет финансиски го помагаат одржувањето на „Струмичкиот карневал“: Стопанска банка, Комерцијална банка, Шпаркасе банка, УНИ банка, ЕВН Македонија, Хотел „Сириус“, ТА „Атлантис“ Струмица, Печатницата „Графосервис“ Струмица, „Никоб обезбедување и Медикал“, „Акцент Медиа“ и финансиското друштво „Флекс кредити“.
Ова е традиционална средба на Организациониот одбор со спонзорите, која секоја година се одржува во пресрет на новогодишните и божиќните празници, а на која им доделува признание за последното издание на „Струмичкиот карневал“.
„Овие компании се дел од нашето карневалско семејство. Некои од овие компании се веќе традиционални спонзори повеќе и од 20 години. Јас како претседател на Карневалскиот одбор, кој најдобро чувствува што значи нивната помош, уште еднаш ја користам можност јавно да им се заблагодарам на овие компании“ – вели Александар Цицимов, претседател на Организациониот одбор на „Струмичкиот карневал“, најавувајќи го следното издание на карневалот во 2025-та, кое ќе се одржи од 26 февруари до 5 март, а главната карневалска вечер ќе биде на 1 март (сабота).
