![almak](https://strumicanet.com/wp-content/uploads/2025/08/srnet-banner-sofa-bed-garnituri-2025-1-optimized.jpg")
Струмичкиот театар во недела од 20:00 часот во рамките на 58-то издание МТФ „Војдан Чернодрински“ во Прилеп ќе ја изведе претставата „Црна дупка“ од Горан Стефановски, а во режија на Љупчо Ѓоргиевски, која е дел од официјалната програма.
Улогите го играат: Васил Михаил, Танкица Стојанова, Анкица Бенинова, Јасмина Вучкова, Кире Ѓоргиев, Елисавета Бончева, Коста Ангов, Ангелина Тренчева-Ангелова, Јулија Милкова, Стојан Велков-Трн, а во претставата се појавуваат и две дечиња како момчето – Илија Младенов и девојчето – Теодора Арсов.
Сценографијата е на Валентин Светозарев, изборот на костимите е на Андреј Ѓоргиевски, а како композитор се јавува Сашко Костов.
„Тешко е кога човек е странец во странство. Но уште потешко е кога човек е странец дома. Најстрашни се оние времиња кога самиот дом се претвора во туѓина, во џенем, во јабана. Кога човек е на своето огниште, а саштисан и отуѓен како змија да го полазила. Кога е внатрешно раселено лице. Кога т’гата не е поради отсуство туку поради присуство. Кога седи среде куќи, а не може да си ја препознае домата“ – напиша Горан Стефановски.
На годинашниот МТФ „Војдан Чернодрински“, кој се одржува од 7 до 14 јуни претставата на струмичкиот театар е во конкуренција за наградите од жирито и публиката со уште 10 претстави.
