![almak](https://strumicanet.com/wp-content/uploads/2025/08/srnet-banner-аugust2025-optimized.jpg")
Во организација на ОО на СДСМ Струмица денеска во Пензионерскиот клуб на општина Струмица се одржа средба на министерката за труд и социјална политика, Јована Тренчевска и пратеничката Љубица Спасова со пензионери од Струмица.
„Само сериозна, одговорна и посветена политичка партија, каква што е СДСМ, има вистински однос кон пензионерите, затоа што знае да ги почитува нивните вредности, знае да биде горда на она што ни го оставиле како наследство и аманет, и знае како тие вредности на најдобар можен начин, да ги валоризира преку политиките кои ги спроведува. Доказ за таквите политики е секако најновото покачување на пензиите кое, без сомнение, позитивно влијае на нивниот животен стандард“, кажа Борче Цветков, претседател на Општинската организација на СДСМ во Струмица.
На средбата се разговараше за досегашните законски решенија за подобрување на стандардот на пензионерите и за се она што ја засега оваа група на граѓани.
„Мартовската пензија ќе биде повисока за 8,4% со што покажуваме вистинска грижа за стандардот на највозрасната популација. За само една календарска година нашите пензионери имаат вкупно зголемување на пензиите за 16%. А за 1,5 година вкупно историско покачување за дури 25%. Вкупно 330.000 пензионери беа опфатени со економските мерки за заштита од економската криза и подобрување на стандардот на живот за нив“, истакна министерската Тренчевска.
На средбата со пензионерите присуствуваше и претседателот на Советот на општина Струмица, Марјан Даскаловски со дел од советниците во Советот од партијата СДСМ.
