![almak](https://strumicanet.com/wp-content/uploads/2025/04/srnet-banner-sofa-bed-garnituri-2025-optimized.jpg")
Синоќа во Центарот за култура „Антон Панов“ во Струмица пред голем број љубители на убавите стихови, беше промовирана книгата со поезија на Велика Атанасова од Струмица, насловена „Бранување“, а во која се напишани четириесеттина нови песни.
„Поезијата на Велика Атанасова во „Бранување“ е поезија на мигот, но и поезија која патува низ времето. Поетесата со своето творечко орудие ги елиминира сите евентуални можности за мистификација во градењето на стихови, создавајќи песни кои со леснотија прават рефлексија на поетската душа“, кажа рецензентот на книгата, Ѓорги Калајџиев.
Промоторот на книгата, Ацо Гогов вели дека авторката преку „Бранување“ упатува на суштината на поезијата, бидејќи таа е толку слична на тие природни феномени што се случуваат насекаде околу нас, а од друга страна тоа бранување упатува и на нејзините внатрешни бранувања кои кај неа се чини донекаде се поттикнати и од возраста кога човек, можеби и несакајќи го преиспитува внатрешно својот изминат живот.
Ова е втора книга на струмичанката Велика Атанасова, по првата „Животот на дланка“, издадена во 2019 година од страна на НУ Центар за култура „Антон Панов“ Струмица.
