Струмичанец со 3.47 промили алкохол во крвта управувал патничко возило и предизвикал сообраќајна незгода во центарот на Струмица

Вчера во 13:10 часот во Струмица, полициски службеници од СВР Струмица го лишиле од слобода Р.П.(52) од Струмица. Тој на булевар „Ленинова“ во Струмица управувајќи патничко возило „Пасат“ со струмички регистарски ознаки, предизвикал сообраќајна незгода, а при контролата било утврдено дека возилото го управувал под дејство на алкохол, односно дека имал 3.47 промили алкохол во крвта.

Р.П. бил задржан во Полициската станица Струмица, за настанот бил запознаен јавен обвинител од Основното Јавно обвинителство Струмица и по документирање на случајот против него ќе биде поднесена соодветна пријава.