Силниот ветар во струмичко собори лимени покриви и дрвја

Силниот ветар во струмичко кој денеска се движеше со брзина од над 80 километри на час, собори лимени покриви и дрвја во Василево и Струмица, информираат од Центарот за управување со кризи. Интервенирале екипи на Противпожарната единица на Струмица и ги отстраниле од местото, нема повредени и не се направени поголеми штети.

„Околу 11:30 часот подрачјето на струмичкиот регион беше зафатено со силен ветар, поради што на единствениот број за итни случаи 112, добиле пријави за паднати лимени покриви на три локации, како и четири пријави за паднати дрвја. Тоа било веднаш пренесено до надлежните општински институции и во сите случаи интервенирале пожарникарите од ТППЕ Струмица“ – стои во соопштението на ЦУК.