СДСМ Струмица: ВМРО-ДПМНЕ е спремен да ја уништи и струмичката котлина со ваков предлог закон, под крилјата на „стратешки проект”

На лицемерието на ВМРО-ДПМНЕ му нема крај.

Во деновите кога се фалеа со туѓи победи, а во врска со Казандол, кој патем договор го раскина во 2018 владата на СДСМ и тим кој на арбитража се бореше, беше составен од таа влада, во очи гледајќи истите тие денови преку Министерството за енергетика, рударство и минерални суровини објави предлог закон кој сите тие слични рудници ќе ги легализира.

ВМРО-ДПМНЕ е спремен да ја уништи и струмичката котлина, со ваков предлог закон, под крилјата на „стратешки проект” и од „национално значење”.

Законот е селективен, отворен за толкување по нивна мерка, па така сите постоечки рудници ќе можат да одработат и де факто да го зголемат својот капацитет во делот на цијанид, па оттука доаѓа и загриженоста.

Вака поставен предлог закон, кој сигурно ќе го модифицираат во уште полоша верзија за народот и за луѓето кои живеат во тие средини, ќе донесе до егзодус на истите и убивање на природата околу тие рудници.

Ова лицемерие и ваквото манипулирање не смее да остане премолчено!

Затоа сакаме, „борците за здрава котлина” од ВМРО-ДПМНЕ Струмица да ги прашаме, дали ова не е лицемерие? Дали борбата за здрава котлина беше само во опозиција и ефтино собирање политички поени? И дали труењето на сопствениот народ има цена?

Ако сте загрижени за граѓаните, одважете се и кажете не на ваков „штетен” и „шверцерски” закон. Во спротивно, станувате соучесници во егзодус на природата и оние луѓе кои живеат во близна на тие рудници – соопштија денеска од ОО на СДСМ Струмица.