![almak](https://strumicanet.com/wp-content/uploads/2025/08/srnet-banner-sofa-bed-garnituri-2025-1-optimized.jpg")
Младите социјалдемократи од Струмица на Леблебеџиската улица отворија Младински клуб каде во пресрет на Локалните избори ќе се собираат, ќе се дружат и ќе ги дават своите идеи со кои веруваат дека ќе го подобрат животот во нивната заедница.
Идејата е младите да имаат сопствен простор за дружење и активизам, независно од формалните партиски канцеларии, иако клубовите се дел од партиската младинска структура.
Младиот социјалдемократ од Струмица, Христијан Ефтимов поздравувајќи ги своите партиски другари кажа дека младинскиот клуб е место каде ќе се развиваат нови приказни и ќе се создаваат многу нови дружби.
„Ќе испишуваме заедно една победничка Струмица кадешто сите млади ќе имаат можност за развој и напредок“ – кажа Ефтимов.
На отворањето на младинскиот клуб присуствуваа и општинското раководство на СДСМ Струмица предводено од претседателот и кандидат за градоначалник, Марјан Даскаловски, претседателот на СДММ, Трајче Стојчевски и лидерот на СДСМ, Венко Филипче.
Филипче поздравувајќи ги младите социјалдемократи од Струмица им посака успешна работа во наредниот предизборен период.
„Бидете отворени, комуницирајте, разговарајте, имате многу познанства во градот, ширете ги тие познанства, ние сме тука да им помагаме на луѓето, им помагавме и кога бевме на власт, сега сме тука и локална власт, се бориме да ја освоиме повторно власта за да практикуваме и носиме добри политики за сите граѓани и за државата. Нудете ја помошта, јас сум секогаш тука, што можам да ви помогнам“ – им порача Филипче на младите социјалдемократи од Струмица.
