СВР Струмица со детали за синоќешната сообраќајка кај Владевци

СВР Струмица денеска со информација за синоќешната сообраќајна несреќа која се случи кај Владевци, во која загина 44-годишна жена, а маж се здобил со тешки телесни повреди.

„Вчера околу 18:30 часот на магистралниот пат A4 Струмица – Радовиш кај село Владевци, се случила сообраќајна несреќа помеѓу патничко возило „Шевролет Спарк“ со струмички регистарски ознаки, управувано од В.Т.(18) од село Сушево, струмичко и мотоцикл „Кавасаки“ со кочански регистарски ознаки, управуван од С.К.(58) од Кочани. На местото на несреќата починала сопатничката на мотоциклот Р.К.(44) од село Градец, виничко, а смрт констатирал лекар од Итна медицинска помош, додека мотоциклистот С.К. се здобил со тешки телесни повреди, констатирани во болницата во Струмица. Увид извршиле Јавен обвинител и екипа од СВР Струмица“ – соопштуваат од струмичката полиција.