СВР Струмица за синоќешната сообраќајка во Дабиле каде повеќе од еден час беше блокиран сообраќајот

Едно лице е потешко повредено во сообраќајната незгода која се случила синоќа околу 20:00 часот на магистралниот пат Струмица – Ново Село, во село Дабиле во која учествувале две патнички возила.

„Синоќа околу 20:00 часот на магистралниот пат Струмица – Ново Село, во село Дабиле, се случила сообраќајна незгода помеѓу патничко возило „Форд“ со струмички регистарски ознаки, управувано од Р.Б.(24) од Струмица и патничко возило „Опел“ со скопски регистарски ознаки, управувано од К.К.(27) од Струмица. Во незгодата со тешки телесни повреди се здобила сопатничката во возилото „Опел“, Л.К.(31) од Струмица, констатирани во струмичката болница. Увид на местото извршила екипа на Полициската станица Струмица“ – соопштија денеска од СВР Струмица.

• Во прекин сообраќајот на патниот правец Струмица – Ново Село кај селото Дабиле

По случената сообраќајка на овој патен правец сообраќајот беше во прекин повеќе од еден час, информираше АМСМ.