![almak](https://strumicanet.com/wp-content/uploads/2024/11/srnet-banner-noe-2-optimized.png")
Средба на Русалиите во Секирник, по 12-ти пат во пресрет на големиот христијански празник Голема Богородица, патронен празник на селото. Мисијата на Русалиите за зачувување на уникатниот фолклор не само што продолжува, туку и се проширува со многу млади играорци.
Средбата на Русалиите во Секирник, која го афирмира русалиството како древен обичај од Јужна Македонија и оваа година привлече голем број посетители и љубителите на македонскиот фолклор и традиција. Русалиите се единствените играорци кои ја чуваат и негуваат традиционалната игра на Македонците бегалци од Кукуш и кукушко, а оваа традиционална средба е за спомен на нивните предци.
Дванаесеттото издание на фестивалот посветен на русалиските игри преку настапите на КУД „Русалии“ од Секирник, Русалии „Пољаните“ од Петрич, Бугарија, КУД „Танец“ од Миравци, КУД „Јане Сандански“ од Неготино, ФА „Мегдан“ од Богданци, ФА „Копачка“ од Драмче, делчевско и АТМИ „Митко Алексов“ од Кочани, овозможија уште еднаш фа се види и доживее дел од богатството и гордоста на Македонците чувани и негувани со генерации наназад.
Специфичнста во играта на русалиите е тоа што настапуваат со сабји, а единствено балтаџијата во десната рака носи секира. Се движат по двајца, а се како едно тело, две нозе, две раце, додека хиерархијата и дисциплината се на највисоко ниво.
