Разбојник со пиштол влегол во продавница во Ново Село и пукал во брачен пар – полицијата го уапси

Доцна синоќа околу 02:00 часот, полициски службеници од СВР Струмица – Полициско одделение Ново Село го лишиле од слобода Д.С.(45) од село Долно Лакочереј, охридско. Тој, околу 01:50 часот, носејќи пиштол, влегол во продажен објект во Ново Село, со намера да изврши разбојништво, при што со пиштолот пукал кон сопружниците Б.М.(48) и М.М.(46). Тој бил фатен на местото на настанот и бил задржан во Полициската станица Струмица, а повредените биле пренесени во Медицински центар Струмица, информираат од струмичката полиција.

Известен е јавен обвинител од Основното Јавно обвинителство Струмица. Увид на местото на настанот извршила екипа на СВР Струмица, при што биле пронајден пиштолот и чаури. По целосно документирање на случајот, против Д.С. ќе биде поднесена соодветна пријава.