Пронајден возачот кој учествуваше во вчерашната сообраќајка кај Костурино, а побегна од местото на несреќата

Синоќа во 20:30 часот во Струмица, полициски службеници од СВР Струмица гo лишиле од слобода Х.Д.(33) од Струмица. Вчера тој во раните утрински часови на регионален пат Струмица – Валандово, на излез од село Костурино, струмичко, управувајќи патничко возило „Фиат” учествувал во сообраќајна несреќа со трактор „ИМТ” со струмички регистарски ознаки, кој влечел нерегистрирана приколка, управуван од Р.Ш.(40) од село Костурино, по што Х.Д. го напуштил местото на настанот.

• Детали за сообраќајката кај Костурино во која загина 51-годишен маж – полицијата го бара возачот на автомобилот

Во сообраќајната несреќа на местото на настанот почина Г.Б.(51) од село Костурино, а со телесни повреди се здобил Т.Б.(54), од село Костурино, кои се превезувале на полуприколката. Увид на местото извршија јавен обвинител од Основно јавно обвинителство Струмица и екипа на СВР Струмица.

Х.Д. е задржан во Полициската станица Струмица и по целосно документирање на случајот ќе биде поднесена соодветна пријава.