Приведен жител на Иловица, во неговиот автомобил пронајдени околу 300 штеки цигари

На 14.09.2023 година во 01:50 часот во Струмица, полициски службеници од Секторот за внатрешни работи Струмица го лишиле од слобода Д.К.(53) од село Иловица, струмичко. При преглед на патничко возило „Пежо“, кое го управувал биле пронајдени и одземени 297 штеки разновидни цигари, информираат од СВР Струмица.

Лицето било задржано во Полициската станица Струмица и за настанот бил запознаен Јавен обвинител од Основното Јавно обвинителство во Струмица. По целосно документирање на случајот против него ќе биде поднесена соодветна пријава.