Претставата „Црна дупка“ на струмичкиот театар ќе биде изведена на Македонскиот театарски фестивал „Војдан Чернодрински“

Претставата „Црна дупка“ од Горан Стефановски на струмичкиот театар ќе биде изведена на 58-от Македонскиот театарски фестивал „Војдан Чернодрински“, кој од 7 до 14 јуни ќе се одржи во Прилеп.

Концептот на годинашното издание на фестивалот е со наслов „Ново читање“. Во првиот програмски дел се селектирани претстави кои нудат нов сценски прочит на пиесите на авторот во фокус – Горан Стефановски. Во вториот програмски дел се селектирани претстави кои нудат ново читање на некој класичен драмски текст.

Претставата „Црна дупка“ од Горан Стефановски, а во режија на Љупчо Ѓоргиевски, е селектирана за првиот програмски дел и таа ќе биде изведена на фестивалот паралелно со други три претстави кои, исто така, се работени по текстови на Горан Стефановски.