Претседателот Стево Пендаровски во Струмица ја посети семејната куќа на поранешниот претседател Борис Трајковски

Претседателот Стево Пендаровски денеска беше во Струмица, ја посети семејната куќа на поранешниот претседател Борис Трајковски, каде со роднините на Трајковски споделија спомени за поранешниот претседател, неговата личност и за политиките што ги застапуваше.

Во Струмица, претседателот се сретна и со 6-годишната Стефани Петковска која ја донираше својата коса за изработка на перики за децата болни од рак. Поздравувајќи ја храбрата постапка на младата хероина, претседателот изрази надеж дека нејзиниот пример ќе претставува мотив за сите останати во рамки на своите можности да им помагаат на ранливите групи и особено на децата кои се соочуваат со тешки болести, со цел полесно да ги надминат состојбите.