![almak](https://strumicanet.com/wp-content/uploads/2024/12/srnet-banner-dec-2-optimized.jpg")
Во рамките на акцијата „Каде што срцето е дома“, организирана од Министерството за локална самоуправа, денеска на увид во градежните активности на изградбата на пешачка и рекреативна патека од Ново Село до Мокриево, во општина Ново Село присуствуваа премиерот Христијан Мицкоски и министерот за локална самоуправа, Златко Перински.
„Овој проект е од исклучително значење за локалната заедница, бидејќи ќе овозможи подобра инфраструктура за рекреација, спорт и активен туризам, со што ќе се подобри квалитетот на животот на граѓаните и ќе се искористи природниот потенцијал на овој регион“ – кажа премиерот Мицкоски, потенцирајќи дека овие капитални инвестиции се и добра можност и за економијата за да може да се задвижи.
„Јас би сакал да ја искористам оваа прилика да им честитам на градоначалниците од овој регион коишто се со нас тука денес и да им посакам уште повеќе проекти да можеме да реализираме за интерес на граѓаните, да му честитам на ресорниот министер, на советниците во советите, на администрацијата којашто ги подготвува овие проекти и да им посакам многу вакви проекти“ – додаде Мицкоски.
Тој упати и апел до градоначалникот на општина Струмица, Костадин Костадинов да ја искористи можноста за вториот повик и да аплицира со проекти.
„Не е време за политиканство, време е да се работи за граѓаните. Помина времето кога Македонија се крадеше, понижуваше, омаловажуваше, засрамуваше сега е време кога треба да се гради без разлика што тој можеби во некој внатрепартиски предизборен занес се обидува да ја критикува Владата, во ред тоа е негово право и тоа практично тој може да го прави, но го замолувам лично и од името на Владата да достави проекти, нормално да не биде како во првиот повик согласно критериумите да достави проекти за да можеме и тие проекти да ги исфинансираме и за Општина Струмица, а ќе продолжиме да ги финансираме проектите слушнавте и во Ново Село и во Босилово и во Василево, така што нема заборавени делови како што кажа министерот за локална самоуправа“ – додаде премиерот Мицкоски.
