Прекрасни интерпретации на духовни песни од хорот „Мелизма“ во „Св. Петнаесет“

Во прекрасниот амбиент од божјиот храм „Св. Петнаесет Тивериополски свештеномаченици“ во Струмица, синоќа мешаниот хор „Мелизма“ од Скопје под диригентство на Марија Андонова одржа концерт, како дел од програмата на годинашното издание на „Classic International Festival Strumica 2023“.

Тие цел час интерпретираа хорска православна духовна музика, а прекрасните гласови со нивната интерпретација беа постојано наградувани со аплаузи од публиката.

Утревечер (понеделник, 5 јуни), според фестивалската програма ќе се одржи концерт на „ДУО“ од Србија со Јован Богосављевиќ на виолина и Бојан Младеновиќ на пијано. Концертот ќе се одржи на малата сцена во Центарот за култура „Антон Панов“ во Струмица со почеток во 20:00 часот.

ФОТОГАЛЕРИЈА