Превентивни активности на Денот на жената за побезбеден сообраќај

Денеска на Денот на жената, Секторот за внатрешни работи – Струмица во соработка со Републичкиот совет за безбедност на сообраќајот на патиштата и Факултетот за безбедност ја реализира кампањата „Вози одговорно“.

„На повеќе локации на подрачјето на Струмица полициски службеници од СВР Струмица и советници од Републичкиот совет за безбедност на сообраќајот на патиштата на сите жени затекнати како управуваат моторни возила им поделија подароци и летоци со едукативна содржина во кои ги потсетуваат дека треба да ги почитуваат сообраќајните правила и прописи и да бидат пример за издигнување на безбедноста во сообраќајот на повисоко ниво“, информираше портпаролката на СВР Струмица, Александра Трајанова.

Вакви активности денеска ќе преземат и останатите полициски службеници од СВР Струмица.